اه بدي اقعد جنب الرجال--

بالنسبة للموضوع
فهيا موقف مستفز بصير اغلب اوقات اليوم و ما بعرف ازا حيكون مكرر
بس انه حابب اشوف رأيكم فيه




البنت بتحكي::::::اليوم و انا مروحة من الجامعة وقفت تاكسي عادي و ركبت
كان بالسيارة رجال ورا و جنبه بنت
فتحت من جهة البنت بس ما كان فيه مسافة خالص بس ركبت باللي تفهموه
و قلت عندها بتفوت لجوا شويا بس ابدا


و دار بيني و بين البنت هالحوار
( ممكن تلزي شويا ) بقلها
( لا الراجل جنبي )
( انتي سايباله اكتر من نص السيارة و ازا ملاحظة انا قاعدة بحضنك تقريبا
و الراجل قاعد باحترامه و ضاغط حاله)




ما ردت و لا كاني بكلمها و لا رضيت تتحرك من مكانها


بجد عصبت يعني لو لزت كمان شويا برده حيضل مسافة مناسبة بينه و بينها
و بنقعد كلنا بشكل طبيعي
لانه الراجل مش حياكلها و لا حيقل احترامها لو لزت كمان شويا


نزلت بدي اقعد بالكرسي اللي قدام الا كان وصل السواق براكب للكرسي اللي قدام


فحكتلها بالاخر
انزلي بدي اقعد انا جوا


الا هاي بتطلعلك فيا بنظرة من فوق لتحت
( بدك تقعدي جنب الراجل ) بتحكيلي
( حكتلها اه بدي اقعد جنب الراجل )


و نزلت و ركبت انا
و حطيت بيني و بين الراجل شنتة اللاب و قعدنا بشكل طبيعي
و طول الطريق و هيا تطلع فيا لحد ما نزلت من السيارة
بنظرات بجد استفزتني


يعني هل انه الوحدة لما تعرف حدودها و تتعامل مع كل موقف باحترام اشي غلط
صحيح فيه كتير رجال و شباب و حتى مرات كبار بالسن للاسف
ما بتراعي احترام الشخص اللي جنبها بالسيارة
و انا عانيت من معاكسات السيارات


بس برده هل انا قعدت جنب الراجل لاني بدي اقعد جنبه ؟
طيب منا كان ممكن اكون قاعدة قبلها بالسيارة و هيا يلي اجت بعدي


و شو الاحسن اقعد قعدة مش مزبوطة و اكون فرجة متلا للشب اللي قدام لو كان ..
و الا كلنا نقعد بشكل طبيعي ؟


بجد هيك عقليات بتستفزني
بس انه مليانة بالبلد و يمكن هاد اللي ما خلاني من الاول اقعد بالكرسي يلي جنب السواق


انه كيف سايبة مكان فاضي جنب بنت و رايحة تقعد جنب السواق


و شايفين شو سار فيا


انا بصراحة مش حاسس و لو واحد بالمية اني عملت شي غلط
بس حابب اشوف آرائكم بالنسبة للموضوع


و اعتبروها كمان فشة خلق للصبايا اللي حابة تحكي عن معاكسات السيارات برده
اللهم عافينا





و السلام عليكم

مشكور سا صديقي
انا مع الشباب بردودهم

تحياتي بحر