يسعد اوقاتكم شباب / صبايا
طبعا يلي عارفين مواضيعي هون مقدمات خفيفة
وكلام مختصر على ئد ما بئدر
كتير بنسمع من الناس الكبار بيحكو صحيح انكم جيل فاشل والله يستر من الجيل الجديد..!!
وبجلسات عدة مبعرف لو مرت عليكم او لا اما يجتمعو بحكو جيل نت وجيل لاب توبات
وجيل وجيل وجيل
وكتير بعارضو على شغلات بتكون عادية للشب والصبية بس بعارضو عليها من الخوف
خوف شو خوف الفشل يلاحئ ابنائهم مثلا ليش مو ابنك انت يلي مربيه وعارفه وواثق منه
ليش تخاف وتجمع انه جيل الايام هاي صار فاشل لوجود عدة اشخاص فشلة بالحي او البيئة يلي انت عايش فيها .؟
ليش ما بفكرو بالطريقة الايجابية مثلا وانه مثل ما في بالجيل عالم فاشلة في عالم فهمانة
وواعية كتير وبتعمل حساب لاهلها ليش بيجمعو بالحكي معئول هلاء العالم الفاشلة غلبت على العالم المنيحة
صحيح انه نحنا جيل فاشل ليش يعني ؟
ونحنا طلعنا لئينا حالنا فاشلين مثلا ..!؟
معئول لو كنا جيل فاشل فجأة هيك من الله نحنا فاشلين ؟؟
دور الاهل ما اله علاقة مثلا بفشلنا او تربايتنا ؟
مو هما يلي ربونا وكبرونا وعلمونا وفهمونا الصح من الغلط
واخدو بايدينا بكل صغيرة وكبيرة مش هاد كان دور الاهل وبالاخر نطلع جيل فاشل .!
بالرغم انه مو شايف يعني مش عارة اه في جيل فاشل بس هل هو نحنا هاد الجيل
هل الكلمة بتنطبق علينا مثلا اتمنى تكون وصلت المعلومة ولكم حرية التعبير بكل ما يختص بالموضوع
ويبقى السؤال هل نحن جيل فاشل ؟!
ويلا اترككم بامان الله.....