ايميل من جهنم

صباح / مساء الورد

بالله يا شباب حاولوا تركزوا شوي لما بتبعتوا ايميلات لأي حد

بلاش يصير فيكم متل ما صار بصاحبنا ال هنا وتتحملوا خطايا ناس ممكن يصيبهم جنون ولا يصير فيهم شي

شوفوا هذا شو صار فيه وتعلموا منه

اتنين متزوجين من عشرين سنة وحبوا يحتفلوا بعيد زواجهم بانهم يقضوا اجازتهم بالفندق ال قضوا فيه شهر العسل ..

اتفقوا انهم يسافروا لكن الزوجة كانت مشغولة فطلبت من زوجها يسافر وهي تلحقه بعد يومين ..

سافر الزوج وحجز بالفندق .. ودخل الغرفة وجد فيها لاب توب وموصل له انترنت ،،

فقرر انه يرسل لزوجته ايميل يطمنها انه وصل بالسلامة

كتب الرسالة وارسلها لكن وهو يكتب بايميل زوجته غلط بحرف فيه فراح الإيميل لشخص تاني طبعاً ..

لمين بتتوقعوا رااااااااااااااح ؟؟؟

وصل الأيميل بالصدفة لأرملة زوجها كان متوفي بنفس اليوم ولما رجعت من مراسم الدفن فتحت الإيميل علشان تشوف رسائل

التعزية ... فايقة ورايقة بصراحة

المهم ..

فجأة سقطت مغمى عليها بعد ما صاحت ،، فجاء ابنها وحاول يصحيها يفهم شو صار ما ردت عليه ..

شاف الإيميل وقرأ الرسالة ال كانت تقرأ فيها وكان هذا نصها ..

زوجتي العزيزة ..

انا وصلت بخير ،، ويمكن تتفاجئين انك بتعرفي اخباري عن طريق النت ..

لأنه هلأ صار في كمبيوتر عندهم وصار يقدر الواحد يراسل اهله ويخبرهم عن احواله يوم بيوم

انا صار لي ساعة واصل وتأكدت انه كل شي تمام وانهم جهزوا المكان ومش باقي غير وصولك عندي بعد يومين

مشتاق اشوفك وبتمنى لك رحلة سعيدة متل رحلتي

ملاحظة ..

مو ضروري تجيبي ملابس كتير معاكي لأن الجو هنا حر كتييييييييييير

يعني جهنم

ما بقدر احكي للزوجة تعيشي وتاكلي غيرها لأني ما بضمن انها عاشت اصلا

هههههههههههه

جد كتير حلو يا صديقي
بس ما بظنك انها لسا عايشة
تحياتي الك صديقي

مشكور يا تيمور
الله بعين

والله حلوة
لو انا بموت والله

مشكوووورين

هههه حلوة كتير