اوسمتي : عدد مساهماتي : 1158 عدد نقاطي : 2264 تاريخ تسجيلي بالمنتدى : 11/02/2010 عمري : 37 بلدي - مدينتي : Jinen
موضوع: مصايب جامعية الأربعاء 12 مايو - 20:47
خلينا انبلش كمان قعدت اراجع بالحكي اللي بدي احكيه للمرة الالف لحالي ... وكمانلازم اتقيد بتوصيات عامر واستخدام اللغة الجديدة اللي كلها زي حكي التنتات .....
((( 4 خطوات فقط لحتىاصير قدام سمر )))
في الخطوة الاولى:
تطلعت على عينيها لحتى اشوف شو ردة فعلها تجاه قدومي. عينيها بالارض وبطرف عينها بنتتظر ينتهو الاربع خطوات .
في الخطوة الثانية :
تطلعت على احلام لحتى اشوفنظراتها وتقبلها للامر ... لقيتها حاطة اصبعها بمنخارهاوبتطلع علي وعلىوجهها ابتسامة خفيفة .. اشرتلي بعيونها على سمر وضحكت ولفت وجهها وكملت استخراجالنفط من مناخيرها .
في الخطوةالثالثة :
دخلت الطمأنينةقلبي وعرفت وين رح اوجه الخطوة الاخيرة بس الخوف كان مزلزل كياني وكان شعر اصابعاجري واقف من الخوف.
في الخطوةالاخيرة :
استجمعت قواي وقلتابوك للموت ونظرت بكل قوة وكبرياء لعيون سمر وبدأت اللحظة المرتقبة .
- سباح الخير سمر واحلام مع بعض : صباح النور يا هلا . وجهت الكلام لسمر : كيفك ان شالله كتير واو ؟ - الحمد لله منيحة - ممكن لوسمحتي تلب زغير بس - ان تفضل - بدي اغلبكبس ممكن دفترك العربي مشان بدي اصوّر اخر محاضرتين -لأ... انا اصلا ما بكتب ورا الدكتور !!! -كيف يعنيبس مشهيك انوو يعني... خلص بديش بديش اشي .
(( لفيت وجهي ورجعت والاستغراب والاستدهاش والاسعجاقغامراتني )) تذكرت قصيدة حكاها شاعر منكّس: ما وُلدَت معطوبة في هذه الدنيا الا وكنت لها حبيب .... في حاويات الحبّكنّا نلملم علب البيبسي الفاضيات معشوقتي قد غرقتُ في مجاري هواكي ... ومن بعد غرقي اصبحت اهوى المجاريوالعبّارات تلك الريحة التي مابرحت تهفهف على خشمي ... وتترك من رائحة عرقكي اجملالذكريات
فهنيئاً لمن استطاعان ينال قلبكي ... ويحصل على ريحتكي المعفنة ويترك فيي الاهات
وصلت عند عامر وراسي بالارض مش قادرارفعو .. حكتللو قوم . عامر: شو ولك شو صار؟ انا : قوم هلأ بعدين بحكيلك
طلعنا برا الجامعة وبدي اوخد تكسي مشان اروّح عالبيت ..
اشرت لسيارة على اساس انها تكسي ... وقفت التكسي وانا مش شايف الفضى قدامي ... عامر صافن فيي وبحكيلي ولك شو هادا اللي وقفتو انا: ما يهمك تعال تعال بس انتا اركب عامر: بدك تجيبلنا التايهة انتا ؟ ولك ليش وقفتها؟ انا : يزم مالك يا رجل انا اللي بدي ادفع مش انت تعالاركب بس .
وفتحت الباب الوراني وقعدت وخبطت الباب خبط ... طبعا على اساس انو عامر يقعد قدام ..
عيوني بالارضوشايف الدنيا ابيض واسود.. بستنى بصوت باب يفتح ويسكر على انه عامر ... تطلعت قداميوالا الاقي شرطي قاعد والشوفير شرطي ... تطلعت من الشباك والا عامر صافن فيي وفاتحتمه
نزلت من السيارة وتطلعت عليها مزبوطوالا هي تطلع دورية شرطة وانا مفكرها تكسي ...
عااااااااااامييييييييييييييراوركوووووووود
على قد ماالله يعطيني من سرعة اركد وكل شوي اتطلع وراي ولسة عامر مش مبين شكلهم مسكوه .. واركد واركد واجريّ بخابطن بظهري من كثر السرعة رجعت عالجامعة بسرعة وفتت علىالحمامات وشفت حمام فاضي ففتت وسكرت الباب على حالي وتخبيت دلعت لساني وصرت الاهث زي الاسد فش دقيقة والا اسمع صوت بنتين بالحمام برا بدردشومع بعض يا حبيبيييي اكلنا هوا شكلي فايت على حمامالبنات بالغلط
سمر : هلأ وئت الميك اب يا احلام احلام : شو اعمللك طيب منتي شايفة كيف سايحة الكحلة سمر : طيب يالله خلصي بلاش نتأخر عالمحاضرة . احلام : ولك صحيح ليش هيك عملتي مع حمزة ولك منتي بتحكيليواقعين . سمر : مش عارفة والله يا احلام انعجئت كتير بس اجاوما كنت عارفة شو بدي احكيلو ففجأة لئيتو ما ناقش ولا اشي وراح . احلام : وافرضي ما رجع ؟ سمر : لأ ان شالله بيرجع ... بس انا كنت بالمرة مش زوء معو يعني يمكن لازم اعتزرلو ؟ احلام : لأ لا تعتزري ولا شي الا ما يرجع هو .
خلصو لغمطة الوجه تاعتهم وطلعو برا وانا مصدوم من اللي سمعتو ... معقول سمرمعجبة فيي وبتحبني من طرف واحدطب لوحكتلي كان حكتلها تحبني من طرفين ... هي واحلام
لألأ مش هيكشوياركز بالموضوعخلينيابعت لعامر مسج مشان يخلصني من هالورطة بعتتلو المسج التالي : (( عامر .. انا بورطة .. فتت على حمامات البنات اللي بمنى 17 بالغلط ....... اجعدركيظاً يا عامر اجعد ركيظا ))
والله خمس دقايق والا هوبعثلي مسج مكتوب فيها (( اطلع الوظع امان ))
عامر : ولك مالك يا زلمة ليش بتعيط انا : مش قادر يا عامر مش قادر عامر : ولك بعرض البسس احكي مالك انا : حشران يا عامر حشرانتخيلاني كنت بالحمام ومش قادر اعملها عامر : ولك يا حمار طب ليش ما عملتها انا : ليش بصير عاديكل فكريانو بصيرش مشان هيك بفصلو حمامات الشباب عن البنات
مسكني عامر من رقبتي ونزل فيي بكوس ضل بكوسبكوس على بطني وبعدين عبطني
عامر : تعا لهون صحيحشو يعني " اجعدركيظاً يا عامر اجعد ركيظا " ؟؟؟؟
انا : يعني تعال ركاد يا حمار عامر : عنجد اني حمار لأني بعدني مصاحب اشكالكطير من هون انا : استنى اسنتى بدي احكيلك شو صار بالحمام .
حكيت لعامر شو صار بين احلام وسمر وشو كانو يحكو عنيوبعد مباحثات خطيرة ومنبعثة الاشعاعات اللولبية وغير اللولبية توصلنا اني ارد اروحواطلب الدفتر ... وبالفعل رحت وطلبته واعطتني اياه بحجة انها استحت تعطيني دفترهالأنو خطها مش حلو ... مع انو خطها بفك عن حبل المشنقة ... خط من الاخر ... يا هيكالخطوط يا بلا ... خط مائل منحدر منحني متشعشب وفي نهاية كل سطر نقطة تدل علىالنهاية
حكينا شوي واعجبنا ببعض ... تواعدنا تاني يوم ... وحكينا كتير ... وضلينا نتواعد حركة اسبوع زمن ... وبآخر قعدة بيننا حكتلها :
عيناكي بالوعتي مسكارة ساعة الطفر .... أو حديقتان راحيرعى فيهما البقر عيناكي حينتدمعان تفتح الخشوم ....وتنزل الدموع على الشفتينكالنهر
سمر : الله شو انكمبدعبتسدء سرت بدي ادمّع
اسمع طيب انا شو كتبتللك:
تطايرت بزاقةٌ منفمك عندما عطست .....وطرطشت بلوزتي البيضاء وعلّمت عليها الا تدري اني بطرطوشتك انبسطت ..... وشممتك الفلفل الاسودالمطحون مشان تعيدها
انا : ام الصيص... انا بحبكوبدي اتجوزك سمر : ابو الحيح ... انا موافقة ... انا : وبدنا نجيب 12 ولد حلوين سمر : وااال وكيف رح نقدر نصرف عليهم وكيف اصلارح نجيبهم ؟ انا : ما تخافي يا عمري ... صحابي بساعدونا ... سمر : شو بتحكي ؟ انا : اه زي ما بحكيلك صحابي كلهم زلام وبنشدفيهم الضهر . سمر : شو بتحكي انتا يا مجنون انا : ولك شو مالك رح ينقطونا يوم عرسنا ويصير معنا كتير مصاري سمر : اااااه فكرت انا : قصدك عاطل دايماً
بعد مرور 10 اعوام ===>
رنيت على سمر وعزمتها على كوفي شوب بالرابية ... اول ما قعدت صرخت علي : يعني لمتى هيك ؟؟ صارلك 10 سنينواعدني انو نتزوج ولأ حضرتك ما اجيت خطبتني حتى. انا : مشحكتللك عبين ما اكوّم حالي ... قصدي اكوّن حالي ... سمر : الله اكبر 10 سنين بتكوّن حالك ... اي والله لونك اوفيس 2007 كان خلص اجراءاتالتكوين . انا : مهو حبيبتي انا عامل الsetup وحاطه full installation سمر : بتتناغش يا روح امك والله فش ربع ساعة الا عامر جاي عالكوفي شوب بالصدفة وشافني واجا ركاادوسلّم علي مباوسة عامر : وينك يا رجل ما بتسأل ولا بتطل .. صارلكشهر مش مبين . انا : والله يا عامر بتعرف مشاغل وقصص زي هيك . تطلع عامر على سمر وحكالها : ليش مروحتيش عالبيت امي سألتعنك . سمر : طيب هلأ بس اخلص هالموعد مع حمزة عالدار عطول . عامر : عالدار عطول بس تخلصي .. احنا فش عنّا بنات يتأخرنعالدار فاهمة سمر : طيب طيب ساعة زمن بس ... انا صفنت شوي ومش فاهم عليهم بالمرة ... " انتوبتعرفو بعض اشي ؟؟؟" ردوا مع بعض : عامر : اه يا زلمة سمر اختي سمر : اه ولك عامر اخوي
وفجأة عم الصمت أرجاء المكان ... وصرنا التلات نتطلععلى بعض باستغراب ...
عامر بهدووء : حمزة انتا صارلكعشر سنين بتواعد باختي ؟؟؟ انا : لأ مش انا .... انا بحبهابس وبضحك عليها باني بدي اتجوزها ...اما اواعدها اعوذ بالله ... برضو البنت زي اختيوبهونليش فيها . عامر : وانا بحكي لما كنت تحكيلي عن سمربالجامعة كنت كأني بعرفها .... مع انو كل يوم كنا نروح انا واياها مع بعض الا يومالخميس كانت تتأخر سمر : اه مهو كنت اروّح مع حمزة . عامر : يحبيبتي يختي كنت رح اظلمك انا ..... سامحيني
رن تلفوني واذا بها احلام .... احلام : مرحبا حبيبي . انا : اهلين يا عمري . احلام : حبيبي متى مروّح تتغدى هينيطابخيتلك علبة سردين رح توكل اصابعك وراها انا : خلص ولا يهمك حبيبتي بس مسافة الطريق ....
((( توضيح : تجوزت انا واحلام قبل 6 سنين لأنهااعجبت كثير بكتاباتي الشعرية وعنّا هلأ ولد عمره 7 سنين واسمه منال )))
تمت وانشالله تكوناعجبتكم
(الاسماءء مستعارة))
دبوووووور ¤*~مشرف قسم اغاني منوعة ~*¤
اوسمتي : عدد مساهماتي : 1025 عدد نقاطي : 1160 تاريخ تسجيلي بالمنتدى : 18/02/2010 عمري : 32 بلدي - مدينتي : طولكرم
موضوع: رد: مصايب جامعية الخميس 13 مايو - 14:52
هههههههههههههههههههههههههههههههه هههههههههههههههه والله قصة بتجنن يا تيمور واحلى اشي الاشعار اللي فيها بس انسا موقف حرج لو يصير بواحد يخربط ويفوت على حمام البنات وما يعرف يطلع
mai مشرف
عدد مساهماتي : 691 عدد نقاطي : 778 تاريخ تسجيلي بالمنتدى : 01/03/2010 عمري : 33 بلدي - مدينتي : طولكرم
موضوع: رد: مصايب جامعية الإثنين 17 مايو - 19:28
مشكور تقبل مروري
بحر admin2
اوسمتي : عدد مساهماتي : 2392 عدد نقاطي : 3247 تاريخ تسجيلي بالمنتدى : 18/02/2010 عمري : 34 بلدي - مدينتي : حيفا
موضوع: رد: مصايب جامعية الخميس 20 مايو - 15:09
هههههههههههههههههههههههههههههههههههههههههه كتير حلوة كتير كتير كل الشكر يا زنخ
abu george1 Admin
اوسمتي : عدد مساهماتي : 2006 عدد نقاطي : 2971 تاريخ تسجيلي بالمنتدى : 11/02/2010 عمري : 32 بلدي - مدينتي : طولكرم
موضوع: رد: مصايب جامعية الخميس 20 مايو - 16:28
هههههههههه
فعلا مصايب
الله يعين الشعب
تيمووووور ¤*~مشرف قسم الاتجاه المشاكس ~*¤
اوسمتي : عدد مساهماتي : 1158 عدد نقاطي : 2264 تاريخ تسجيلي بالمنتدى : 11/02/2010 عمري : 37 بلدي - مدينتي : Jinen