عدد مساهماتي : 35 عدد نقاطي : 41 تاريخ تسجيلي بالمنتدى : 01/05/2010 عمري : 33 بلدي - مدينتي : طولكرم
موضوع: قصة القضية ؟؟؟؟؟ الإثنين 31 مايو - 18:34
احم .. احم .. احم
واحد .. تنين .. تلاته ، زابط المايك
هاد يا اخوان بدي احكيلكم قصة الاستعداد لامتحان " القضية الفلسطينة " ... مادة بايخة بناخدها بالجامعة .
واللي جرا هداك اليوم ...
طلعت الشمس ... " أصبحنا و أصبح الملك لله " ، ها بلشنا متل الشطار ندرس من الصبح .......
فجأة ،
< أنا بموت عليك ، بموت عليك ، بحبك بجنون يسلملي البك شو حنون لما عني تغيب بيئلب ليلي لنهاري > الجوال رن .... مسج يا سلام ، النص كالأتي } صباح الخير ، شو هاد الساعة بتركض ركض وانا لسا مو ماشية شي أوووووووووووووووف { ،
وانا بقرا بالمسج < اوعدني لو تغيب ، عن بالك ما اغيب ، اوعدني بالسؤال ، لو يعني البعد طال ، اوعدني بكلمتين ، مو اكثر كلمتين > مسج طبعاً }السلام عليكم ، والله عيوني رجعو لورا بحياتو ما بنختم ، شو يما لسا عايشة ؟؟ " شوف هون السؤال المهم ؟؟ فيها وجهة نظر !! " {
صفنت شوي ... ع أساس أنا خاتمه المادة و الأولى ع الشعبة اللهم صلي ع النبي خمسة و خميسة ، مش بالهم مش عارفة شو ادرس هههههه ....
< أنا بموت عليك ، بموت عليك ، بحبك بجنون يسلملي البك شو حنون لما عني تغيب بيئلب ليلي لنهاري > .... مسج تاني } عبد الله شاطر بالقضية ؟؟ { ، شب شاطر معنا بالشعبة ، عمره ما فادنا بشي !!!!
أجا دوري بالرد } ههههه لي ناوية تقعدي جنبة يما ؟؟؟ ولا ح تحكيلة انا معجبة فيك ..... غششني ... والله ناس ، انا مفلسة ولساتني مكانك قف ، نفسي امشي شوي ، شو هاااااااد هسا بدور مجنونه ؟؟ {
وبعتت للتانية } ما دمت بعتلك المسج معناها لسا عايشة ، بس بعد هلأ ما بضمن ... أي لا حجة بدك تختمي المادة أكيد بتحلمي أنا بقرأ قراءة و مستحيل {
< أنا بموت عليك..... > } انا درت و خلصت ، وبكرا بمشي مع فوز سوا سوا .... { ، طبعا فوز معروف مين بدهاش شطارة ....
< اوعدني لو تغيب ..... > } الحمد لله يخالتي بعدج عايشة ، وكل هاد الفصل ..... !!! {
} بتعرفي كيف بنختم ، هاد مش مهم انسي ،و هاد مو ضروري انسي ، وهاد يوووو ما أزنخة طنشي ، وهاي الصفحة مللة زحلقي ، شو هالطوش هاي " الحروب يعني " ماما حكتلي لا تدخلي بطوش فـ طقعي .... بهالطريقة بتختمي بس ما بتوقع تنجحي ... {
< أنا بموت عليك..... > } من الاخر وهاد الي رح يصير ، راسبين راسبين {
< اوعدني لو تغيب ..... > } شكرا ع النصيحة يا خالتي والله و اتخرجنا ع هالمعدل انا بقول ما اروحش اقدم اشرف {
لهوووووووووووووووون تمام ،
ضرب الطابق الاول ...
} خطابة خطابة .. جيناكم خطابة .. نريد نطلب بنتكم بشرع الله و كتابة .... ايوه ايوه ... لي لي لي لي لي لي لييييييييييييش ، زغرتي يا خالتي ع خيبتي زغرتي {
< أنا بموت عليك..... > } ايوه ايوة ... ولولولولولولولولييييييييييش ، وخيروني ابن العم خيروني ابن الخال ، قلتلهم يا هلي انا براسي موال {
} حب ايه اللي انت جاي تؤول عليه ... انت فاهم ابله معنى الحب ايه ... اد انت لو حبيت يومين كان هواك خلاك ملاك ... و هش هش يا ديك ... الفرخة دي مش ليك {
< أنا بموت عليك..... > } العتبة ازاز و السلم نيلون نيلون .. الواد يما تاعبني و فبعادو مجنني ... و عوعوعو الي يخاف من العفريت يطلعلو ينزلو يقعدلو و عوعوعو {
} نقف ست ساعات صمت و حداد على حرب اكتوبر 1973 ، < الناس قال بتحس و بتنوح واحد مفلسف بحكي : لو سمحتو نحترم الوظع شوي شمل يا حج أنور شمل " أنور السادات قصدة " > ، فقدنا اعزاء جنودا اوفياء اناس ابرياء ، ذهبو فداءً لهذا الوطن العزيز تنكس الاعلام حدادا على هذه الذكرى المؤلمة ....
< وحده بتصرخ : يا لااااااااااااااااهوي يا ابني يا ظنايا >
< جوزها بحكيلها : انطمي واسكتي بلاش هسا ادخلك بالجيش واول ما يهجمو الله يتذكرك > ،
< واحد تاني بحكي : لو سمحتو يا جماعة بدنا نسمع >
< جوز المرة شو بحكيله : شو كسدك يا خال احط صرماية يعني ؟ >
< رد عليه : لع أمكسديش هيك يا خال بس بدنا نسمع الحج انور >
< جوز المرة : شايف حاظ انور أهم مني ، منا بحشي كد بلد >
< واحد تالت : يا جماعة ابصرش هيك لازم نكون ايد وحدة >
< جوز المرة : لع انا بحطش ايدي بايد هالنجس >
< رد عليه : انا نجس يا ابن الـ ***** / نأسف لفظ غير لائق >
< جوز المرة : انا يا ابن الـ ***** / نأسف غير لائق كمان >
< واحد تاني : يا جماعة اهدو احنا ولاد بلد وحدة هاظ الحشي ما بصير ؟ >
< جوز المرة : هاظ ابن الـ ***** ابن بلدي أي بدي ابيع البلد عشانة > .....
طبعاً هذا حال العرب و نسيو الخطاب و المشكلة الرئيسية ، ولما تنكست الاعلام ما عرفو ليش !!! ، ولنا بقية في حلقات أخرى لانه ح نعيد القضية ... عفواً قصدي القظية .... {
طبعا تاني يوم رحنا قدمنا الامتحان .... وعينكم ما تشوف الا النور ، أخ يما أخ يختي أ يخالتي ، اشي مش بالكظية ......... الحقونا
طبعا اجا دور الفلسفة ، ما بمر امتحان بدون ما تتفلسف هالوحدة ( المس يعني ) ،
سؤال اضافي علية علامة " شوف الاغراء " :
اذكر اهم احداث الساحة بتاريخ 31/ 5 /2010 ؟؟؟؟
أوووووووووف هاد اليوم ؟؟؟
لا رسبنا و بجدارة
يمكن نجيب هاد الواحد من ال 40
لا تحرمونا من ردودكم
abu george1 Admin
اوسمتي : عدد مساهماتي : 2006 عدد نقاطي : 2971 تاريخ تسجيلي بالمنتدى : 11/02/2010 عمري : 32 بلدي - مدينتي : طولكرم
موضوع: رد: قصة القضية ؟؟؟؟؟ الإثنين 31 مايو - 18:50
ههههههههههههههههههههههههههه
فلسطين بتفتخر فيكم يا طلابها
قال طلاب جامعات قال
Neveen Q عضو VIP
عدد مساهماتي : 1365 عدد نقاطي : 1461 تاريخ تسجيلي بالمنتدى : 28/02/2010 عمري : 32 بلدي - مدينتي : عنبتا/طولكرم
موضوع: رد: قصة القضية ؟؟؟؟؟ الإثنين 31 مايو - 18:59