AaeF_7alo عضو فعال
عدد مساهماتي : 363 عدد نقاطي : 516 تاريخ تسجيلي بالمنتدى : 24/02/2010 عمري : 33 بلدي - مدينتي : جنين
| موضوع: { مصطلحاتـــ فلسطينية (قلق) إضحكوا لحتى تشبعوا } الأربعاء 14 أبريل - 22:45 | |
| مرحبا يا حلوين .. هاي شويه مصطلحات فلسطينية قح يعني غزاويه ع مجدلاويه ع حماميه ع نابلسية ع قلقيلية وهكذا ..
بنكيت = الرصيف في الشارع
البيارة = المزرعة
شمينت = نوع من انواع اللبن مفردة من مخلفات العدو الصهيوني
ككسة = كيكة
الكوربة = رأس الشارع أو لفة آخر الشارع
ضاوي = فاقد ما بفهم اشي / يعني ولا حبة عقل !
براد أو بكرج = إبريق بنقول براد الشاي أو بكرج الشاي
شِشبَرَك = طبخة : بنحشي لحمة أو كفتة مفرومة وبنطبخه مع اللبن
بشكير = منشفة اللي بنشف فيها وجهنا على الصبح
فرشة = معناتها فراش بس احنا بندلعها فرشة ههههههههه
ابطيني = يعني بياكل اكل ما شاء الله ولا هو داري عن حاله
بابور = زي فرن الغاز بس على صغير واله عين وحدة وبشتغل على الكاز (بابور الكاز)
مخدة = وســـــــــــادة
زرفيل = قفل الباب
أقلط الشارع = إقطع الشـــــــارع
عشرطعش = يقصد فيها الكثرة من الشئ
تخت = سرير
رمزور = كلمة عبرية معناها إشارة مرور ضوئية وفيه بعض الناس بقولوا رمزون
سطل أو جردل = دلــــــــــــو
هوّايِة = مروحــــــــــــة
نونة = يعني شوي
نتفة = اقل من شوية
وَنجك حالك = يعني زبط حالكـــــــ
روق يا ضاوي = يعني: وحِّد الله يا مجنون
على بلاطة = يعني من الآخر
بابوج = شبشب
معصلج أو مزرجن = مش راضي أو بمعنى آخر راكب راسه / متنح
مقلمة = علبة الأقلام اللي بكون شايلها الطالب تاع المدرسة
فورسة = فسحة اللي في نص الحصص في المدرسة
كنتين = كافتيريا المدرسة
صف = فصل المدرسة
الدالية = هي شجرة العنب يقال تعال نقعد تحت الداليه بمعني هيا بنا نجلس تحت شجرة العنب
الزغيرة أو الزغنونة = صغيرة
جمطة = يعنى ما بتنبلع ما تنزل من زور
طشه = يعني فسحة او طلعة على البر او على البحر
اجنص أو لَنجْ = جديد
مواسرجي = السباك ... الرجل الذي يقوم بتصليح المجاري
حنفية أو مَسُورَة = صنبور
مية متلجة = مياة مثلجة
ورا الدار = خلف البيت
قاع / كــــاع الدار = الجزء الامامي للدار
قزاز / كـزاز = زجــــــــــاج
سيرج = زيت الذرة او زيت عباد الشمس
سقاطة = حصالة
قداحة = ولاعة
بربيج / كِشْكَة = خرطوم المياهـ
لنش = سفينه صيد كبيرة
حسكة = سفينة صيد صغيرة
شياطة = الاداة المستخدمة في التزحلق على امواج البحر
زمور = منبه السيارة
منقرز = محتاج الى سيجارة
مخرمن = محتاج شاي او قهوة
شقلب وجهك عني = يعني ما بدي اشوف خلقتك
سبهللة = يعني بدون مسؤولية
افتح مخك وطقطق دنيك = ركز معي الله لايسيئك
تلقحيه = واحد رامي حالو علينا
دكانة = سوبر ماركت
نتخرف = ندردش مع بعض
ام العبد و ابو العبد = اسم فلسطيني قُح
قُح = عالاخر
فرم الشاب أو طحنه = خلاه زي الطحينه من الضرب
فعص في بطن الشاب = خبط في بطنه هلكه
جلدة راسه خميله = عبيط او بفهمش بسرعه
بدكاش = ما بدك
شاكوش = مطرقة
فطبول = كرة قدم
طقية = قبعة
شَمِّر = ارفع البنطلون او الجلبية وافكح او اجري
قرفان = واحد مش طايق حالو بالمرة
سك عالدم =يعني إنسى ومش فايقلك
برقان = برتقال بس الواحد بيكون مستعجل ( مزحة هاي )
بوزك = وجهك
زير = الاناء المصنوع من الفخار يوضع في الماء
قشاط = حزام اللى بيكون على البنطلون
طنجرة = بالمصرى حله هاى اللى بيكون فيها الطبيخ اسمها طنجره
حبيبى يا حج = حبيبى يا قلق = حبيبى يا لوز = حبيبى يا حوت <<- لغة الغزاوية
شقفه = حته قطعه
أو في رواية أخرى "شكـــــــفة" = يعني حليييييوة وبتصير للبنت وللشاب
ييييع = يعنى قرفان من اشي
إوعى تتزحلق = يعنى تندب دير بالك فى صابون على البلاط
الخوصة = السكين
شرشف = ملاية
شاف = اللي بيحطو فيه الميّة
لبانــــــــ = علكـة
احلقلو أو طنشو = ماتعبروش
ترللي او مهَوّي = اهبل
يجاكر = يعاند
زبدية = صحن من الفخار لعمل الدقة الغزاوية
ورق دوالي = ورق عنب
قمباز = لباس فلسطيني يلبسه الختارية
أسكيمو = يعني ايس كريم مثلج
الفرشوحة = يعني سندويش الشاورما بالغزاوي القح
قصاصة = يعني مقص أظافر
هسا = الآنـــــ / الحيـــن
مستهلسكو = يعني مش معبركو
مطعوج = من الفعل انطعج والمصدر تاعو انطعاج وهو الشيء المعوج
فشكة = بيت الرصاصة الفارغه
ازعق عليه = أنادي عليه
ضلك كاوي = ضلك ماشي على طول (نفس الطريق)
يختي = أسلوب نداء للمؤنث
يخوي =برضه اسلوب نداء بس للمذكر
بسكليت = يعني دراجة هوائية
أنطي = معلمه =أبلة
عرسة = فأر كبير
بنكش راس = بمزح
/ \
والموضوع طبعا "نكشة راس"
<< ميتة ضــحك .. فيه مصطلحاتــــــ أول مرة بسمع فيهـا
وان شاء الله يعجبكم ()
| |
|
abu george1 Admin
اوسمتي : عدد مساهماتي : 2006 عدد نقاطي : 2971 تاريخ تسجيلي بالمنتدى : 11/02/2010 عمري : 32 بلدي - مدينتي : طولكرم
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الخميس 15 أبريل - 14:20 | |
| والله شعبنا كل يوم بطلع كلمة جديدة مشكوور يا حب | |
|
mai مشرف
عدد مساهماتي : 691 عدد نقاطي : 778 تاريخ تسجيلي بالمنتدى : 01/03/2010 عمري : 33 بلدي - مدينتي : طولكرم
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الخميس 15 أبريل - 15:22 | |
| هههههه مشكور بس في كلمات مش بس احنا بنحكيها كل شعوب العربيه | |
|
AaeF_7alo عضو فعال
عدد مساهماتي : 363 عدد نقاطي : 516 تاريخ تسجيلي بالمنتدى : 24/02/2010 عمري : 33 بلدي - مدينتي : جنين
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الخميس 15 أبريل - 20:16 | |
| شكرا الك اخوي abu george على المرور
اخت مي شكرا الك على المرور
بس شو هيه الكلمه اللي الكل بحكيها
| |
|
دبوووووور ¤*~مشرف قسم اغاني منوعة ~*¤
اوسمتي : عدد مساهماتي : 1025 عدد نقاطي : 1160 تاريخ تسجيلي بالمنتدى : 18/02/2010 عمري : 32 بلدي - مدينتي : طولكرم
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الجمعة 16 أبريل - 8:39 | |
| ههههههههه بس انسا احلى اشي لغة الفلسطينية
مشكوووور يا صديقي على موضوعك | |
|
بحر admin2
اوسمتي : عدد مساهماتي : 2392 عدد نقاطي : 3247 تاريخ تسجيلي بالمنتدى : 18/02/2010 عمري : 34 بلدي - مدينتي : حيفا
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الجمعة 16 أبريل - 15:29 | |
| يسلمووو صديقي على موضوعك الحلو تقبل تحياتي بحر | |
|
AaeF_7alo عضو فعال
عدد مساهماتي : 363 عدد نقاطي : 516 تاريخ تسجيلي بالمنتدى : 24/02/2010 عمري : 33 بلدي - مدينتي : جنين
| موضوع: رد: { مصطلحاتـــ فلسطينية (قلق) إضحكوا لحتى تشبعوا } الجمعة 16 أبريل - 16:33 | |
| دبور طبعا الحلى لهجة اللهجه الفلسطينيه
اخوي بحر عيونك الحلوين
شكرا الكم على المرور الجميل | |
|