( ودك تموت اليوم وتعيش باكر )

عندما يكون الغدر حدث من أحداث حياتك اليومية والحزن كالعبادة واجب عليك عندها فقط

( ودك تموت اليوم وتعيش باكر )

ودي أموت اليوم وارجع وأعيش باكر من جديد لأجل اعرف من هو على الود صادق ومن هو بعد موتي بطعنات الغدر بيزيدني
ومن هو تمنى إن عمري باقي مديد


ودي أموت اليوم وأعيش باكر وأشوف من هو بعد موتي فقدني
ومن هو حملني لين ذيك المقابر واشكر انا كل من كرمني ودفني

وبشوف يرثيني انا كم شاعر
ومن هو تركني وما كتب شي عني
شخص تعنالي مع انه مسافر وشخص قريب وانا ميت طعني
وشخص يمثل دمعته ما هو قادر وشخص اطيح دموعه كل ما ذكرني
ومن هو من اهلي كان حاضر
ومن هو دعالي في صلاته ورحمني
ومن هو بنا بأسمي سبيل ومنابر
ومن هو يفز قلبه آلا من لمحني ومن هو ع شاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر وان شاف صورة الي مات وحضني
يالله عسى ما تخفى كل المشاعر ويالله عسى ما ينصدم يوم ظني
خايف يروح العمر واكون خاسر وان طار طيري ما يفيد التمني
وخايف يجيني وقت اكسر خواطر ان دارت الدنيا وزماني كسرني
ومدام هذي الدنيا صارت مظاهر وكل من على كيفه وجوه يغني
صحيح مسلم لكن الهم كافر
كل ما حبيت اضحك يهددني حزني الضيق وافي والحزن حيل وافر والجرح اكتر شي شفته يحبني
عايش وميت بين ماضي وحاضر والصبر مفتاح الفرج ضاع مني
قل وش تبي وتتركني يا حزني آمر
مسكين فرحي تصدق انه وحشني شاعر ولكني ماني بشاعر

( ودي اموت اليوم وارتاح مني )