اذا انت من طلاب الجامعة، او بتطمح لدخول جامعة، او درست و ارتحت من الجامعة/ تفضل شوي بدنا اياك ضروري بعد ازنك

مساكم/ صباحكم فل وياسمين

اليوم خطر ببالي سؤال لطلاب الجامعات، او طلاب المدارس يلي عبالهم يدرسوا بالجامعات لحتى ننصح بعضنا بالجامعة المميزة و نكتب مزاياها حتى نشجع بعضنا على الدراسة فيها.

لهيك بتمنى تجاوبوني على الاسئلة لحتى نفيد و نستفيد

هل انت طالب مدرسة؟ اكيد بتحلم بانك تدخل جامعة مميزة او جامعة بتحبها، ماهيك؟؟ طيب شو هي الجامعة يلي عبالك تدرس فيها؟ و ليش؟؟

هل انت طالب جامعة؟ شو اسم جامعتك؟؟ وما هي مميزاتها؟؟
كنت حابب لو انك درست بشي جامعة تانية او بتفضل جامعتك عن اي جامعة تانية

هل انتهيت من مرحلة الدراسة الجامعية كيف كانت جامعتك حبيت الدراسة فيها او لأ؟ و شو كان اسمها و اهم مميزاتها

بهيك بكون خلصت اسئلتي
بتمنى انه الموضوع ينال اعجابكم

تحياتي للجميع

هل انت طالب جامعة؟ اه طالب جامعة

شو اسم جامعتك؟؟ بكل تأكيد جامعة فلسطين التقنية - خضوري

وما هي مميزاتها؟؟ بكفي انها الجامعة الاكبر في فلسطين ومتطورة باستمرار

كنت حابب لو انك درست بشي جامعة تانية او بتفضل جامعتك عن اي جامعة تانية مممممممممممم مش عارف بس كل الجامعات حلوة

مشكور صديقي لمروك الرائع تحياتي

هل انت طالب جامعة؟ اه طالب جامعة

شو اسم جامعتك؟؟ خضوري

وما هي مميزاتها؟؟ الجامعة كلها حلوة واحلى اشي فيها الصحاب اللي مثلكم واسوأ شي الدوام المتأخر

كنت حابب لو انك درست بشي جامعة تانية او بتفضل جامعتك عن اي جامعة تانية ؟؟
طبعا كنت حابب اكمل تكييف وتبريد بس للاسف المعدل ما ساعد

هل انت طالب جامعة؟اه خبرة هههههههههههههههههههههههههه قصدي طالب

شو اسم جامعتك؟؟ بكل فخر جامعة فلسطين التقنية خضوري

وما هي مميزاتها؟؟ التجدد المستمر و عدد التخصصات والالزام في الدوام واكيد عدد كبير من الاساتذه وحملة الدكتوراة الجيدين

كنت حابب لو انك درست بشي جامعة تانية او بتفضل جامعتك عن اي جامعة تانية


اكيد بفضلها عن جامعات ثانية وبالاخص جامعة القدس المفتوحة لأني درست فيها وذقت المر وحولت تخصصات وحملت مواد خير الله بس بخضوري الحمد لله مرتاح نفسيا وتحصيلي العلمي جيد


وبحب أضيف انه لو كانت الجامعه غرفتين بس وما فيها ساحات ولا اي شي بس يكون فيها اصدقاء اوفياء طيبين ومتل العسل مش رح نحس بالفرق وانتوا كلكم طلاب واكيد جربتوا هاد الشي / اكيد رح تكون أحسن من جامعه كبيرة وفيها كل شي

وبتمنالكم حياة طيبة وعلامات اطيب واصحاب أطيب وأطيب وموفقين ان شاء الله