يا عم متخافش " سرك فى بير"

ص: مالك يا س شكلك متغير ليه ؟

س : لا ابدا مافيش

ص : مافيش ازاي ده انت شكلك مضايق خالص

س: مافيش شوية مشاكل بس .

ص : مشاكل ايه كفى الله الشر . ياعم فضفض هترتاح وما تخافش مش هقول لحد

س : طب انا هقولك بس ده سر

ص: يا عم ما تخافش سرك في بير

ع : هو س ماله يا ص متغير اليومين دول ليه ؟

ص : متغير ازاي يعني ما هو زي الفل

ع : زي الفل ازاي ده شكله مخنوق

ص : يا عم قلنا مافيش سيبه في حاله

ع : شكلك عارف ومخبي ياعم قول فاكرني هعمل اعلان باللي انت هتقوله
انا عايز اطمن عليه بس

ص: طب انا هقولك بس كأنك ما سمعتش حاجة اصله مأمني ماقلش لحد

ع: عيب . السر في بير

ك : ازيك يا ع اخبارك ؟

ع: الحمد لله تمام

ك : ما تعرفش س مختفي ليه اليومين دول

ع : لا ماعرفش

ك : غريبة قافل الموبايل ومش بيرد على تليفون البيت

ع : ربنا يكون في عونه

ك : شكلك عارف في ايه ومخبي

ع : لا ابدا شوية مشاكل بس

ك : ليه بس ايه اللي حصل

ع : انت اتخضيت كده ليه

طب بص انا هقولك علشان ما تقلقش بس كأنك ما سمعتش حاجة

ك : عيب ما تقولش كده السر في بير

وبعدها بأيام يكتشف أخونا س ان سره اتوزع على ابار البلد كلها

سورى ان طولت ف الحوار دا
بس دا من خنقتى من ال بيحصل الواحد يدى سره من هنا
وهو ميعرفش ان الابار كلها مفتوحه على بعض
والله انا حاسس ان السر بقى ف مايك مش ف بير اساسا

انا بس عايز افهم حاجه بس هو الواحد ميعرفش يحكى لحد خالص ال جواه

سامع حد بيقول "احتفظ بسرك لنفسك"

هقول ما اكيد اى حد فينا محتاج حد يشكيله ويفضفض له

وانا من وجهه نظرى شايف ان السر دا امانه يعنى مينفعش ابقى مدي حد امانه ويروح يديها
لدا ولدا ولدا

ورسولنا الكريم قال" ايه المنافق ثلاث إذا حدث كذب ، وإذا وعد أخلف وإذا ائتمن خان "

ياترى بقى العيب ف مين

العيب فينا عشان امنا لناس وادناهم سرنا عشان محتاجين نفضفض ونشكى

ولا العيب
فيهم عشان مش حافظو على السر وكان بيرهم مفتروح وموصل لكل الابار

هههههههههه موضوع حلو كتير بس مصيبة ازا هيك الناس

مشكور يا صديقي

تحيااتي بحر