•·.·´¯`·.·• ( حـط الكوبـايه علـي جنـب ) •·.·´¯`·.·•

بدأ الاستاذ الدرس وفي ايده كوبايه مليانه مايه .. وسأل الطلاب :

تفتكروا الكوبايه دي وزنها كام ؟!

قالوله : 50 جرام .. 100 جرام .. 125 جرام.

رد عليهم قالهم : بصراحه .. انا معرفش وزنها كام .. بس سؤالي : ايه اللي هايحصل لو فضلت شايل الكوبايه دقيقتين ؟!

جاوبوا وقالوله : ولا حاجة.

قالهم : طب لو فضلت شايلها لمده ساعه كامله ؟!

رد عليه طالب وقاله : دراعك هايوجعك.

رد الاستاذ : بالظبط .. طب لو فضلت شايلها طول اليوم ؟!

جاوب واحد وقاله : دراعك هايوجعك اكتر وهاتتمزق الاربطه وساعتها لازم تروح المستشفي.

رد الاستاذ : كويس اووي .. لكن هل وزن الكوبايه اتغير في اي حال من الاحوال ؟!

كان الجواب : لا طبعا.

الاستاذ : طب ايه سبب الالم ده ؟! ايه اللي المفروض اعمله عشان اوقف الالم ؟!

قال واحد من الطلاب : حط الكوبايه من ايدك.

رد الاستاذ وقال :

تمام كده .. مشاكل الحياه شبه الكوبايه دي ..

فكر فيها بعقلك دقيقتين وهاتبقي كويس .. لكن لو فكرت فيها مده اطول هاتتعب

ولو فكرت مده اطول كمان هاتشل تفكيرك وساعتها مش هاتبقي قادر تعمل اي حاجة.

مهم اووي اننا نفكر في تحديات ومشاكل الحياه .. بس برضه مهم اننا نحط المشاكل دي علي جنب مع نهايه كل يوم قبل النوم ..

وبالطريقه دي مش هايبقي علينا اي ضغط وهانصحي تاني يوم نشيطين وقادرين علي التعامل مع اي مشكله تقابلنا

عشان كده قبل ما تناموا كل يوم ماتنسوش ..

تحطوا الكوبايه علي جنب

والله اللي بفكر بمشاكلو بضل تعبان واللي بطنش وبنسى بعيش احلى حياة

يسلمو صديقي

ربي يسلمك ابو حميد
تحيااتي

الهموم ما بتخلص ولازم الواحد ينسى عشان يعيش حياتو مبسوط
مشكور عالموضوع الحلو

العفو للجميع