حلق في سما حلمك .. وخليه يطير ابسماك

حلق في سما حلمك .. وخليه يطير ابسماك
جتني ستي البارحة تشكي همها ليا
من عيون الناس الجارحة على نسا محو الأمية
يقولون عندها ضغط وسكر وعمرها فوق الميه
وكاد أنها خرفنت ماني مصدق عنيه
ولمن يحين الدرس الشباب الصايعة بالحواري تنتشر
على ايش يا حلو وين يا عسل ردي علينا يا صبية
لكن جدتي عنيدة وورثت عندها ليا
لأنها كبيرة بالعمر وبالتحدي قوية
تهمل الخلايق اتعود للابتدائي تتعلم الأبجدية
بقت بالأول مخرفنة وعقلها واقف من عصور الحجرية
ان نزلت عالسوق تتوه وتظيق بيها الروح
ما تدري وين البنك وين المشفى وين تجي وين تروح
ودوم تسأل يبني ويا بنية
لكن ستي هساع تكتب اسمها بروية
تقرى أزعم كتاب وأطول رقم بالهوية
تدعي تقول: يا الله ،،
كافي جهل كافي ظلام كافي عتم كافي .. حرام
هساع قشعت النور....وايد انا بيها فخور
احسها من بين الحضور قمر يعيد الشباب
ضوى بعز اكتئاب
ساعة يقلب سبع يحمي روحه من الذياب
وهالحين زاد وعلت وجهها شمس ما تعرف غياب
صقر جامع شامخ غير من ربه ما يهاب
تقول للعام ابشر ليك صدر البيت وترى لينا العتاب
امست تقرى وتكتب....روحها صارت كتاب
العلم خذ عقلها وقلبها
خطفها مثل العقاب وطار بيها فوق السحاب
تلملم حروف الندى وترفع تنصب وتجزم وهذا وش
مكانه من الإعراب
يحفر خطاها الصخر ما بالك بالتراب
تنثر اعلومها بذور اتعمر الأرض الخراب
بنت لروحها سفينة بالمعرفة تبي تجارينا
صرخت ستي ...وبكت ايه بالله بكت
على العمر المرق .. اللي بلمح البصر احترق
ومن كل بد ، كلنا يوم ننوي جبال المستحيل تنهد
ونبني من الحضارة سدود وما نعرف للعمار حد
وما انحط اليد عالخد
ونصفن .. لا بالله ...ما ندفن عقولنا لجل هذا وذاك
حلق في سما حلمك وخله يطير ابسماك
رد علي وما تهاب وطنش كل اللي قالوا
بعد ما شب شاب ودوه عدور الكتاب
وسلامتكم

والله يا القلب ان رائع جدا بكلماتك الجميلة