مزايا صبايا الجامعات

1- أنا وماما زي الصاحبات ، دايماً بحكيلها كل إشي[size=24]

2- ماما بتعرف عنك كل إشي شغل جعط و بس طبعا

3- كلهم شقر وعينيهم‏ ‏لينسيز ملونة يخزي العين
تقول هاي رجعتهم من السويد
بتسألها بتحكيلك شو لينسيز؟هدول عيوني الحئيئيين....

4- كلهم ببعتولك المسج التالي: اتصل فيي ما معي رصيد ، و عندي
امتحان مش آدره أروح أشتري بطائة...

5- لو سألتها عن أحلى سنين بحياتها رح تحكيلك : ما بين 19 و 23
و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبره.

6- الشاطرة اللي بدها تقهر صاحباتها...بتتصل على 111وبتنزل جعط و
تخويث وعلى آآ حبيبي و شو حياتي و I miss u يا عمري و بشوفك يا baby

7- كلهم أخدوا رخصة السواقة بالواسطة ....و أكيد هذا واضح من
البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ قد ما هو مشدود...

8- بالجامعة بتطلب ساندوش نقانق - دايماً نقانق و إذا بدها تغير بتطلب منئوشة جبنة، والكولا دايت طبعا بس ترجع على البيت بتقوم بصدر المنسف لحالها، والله بوكلونا على جوع !

9- إذا حاول يمسك إيدها بعد شهرين صحبة بتسلخو كف بتعمي ضوو ، ومش بعيد تبزق عليه قدام كل الجامعة ، بس إذا لقيتها "صدفة" بعرس ابن خالة عم أمها النسب، بتضلكوا على البست للصبح ، وبتشبكوا على الدبكة وأعطيني هوارة أبو الحلاني .ورووووح...للصبح رقص سلوووو_على أساس فريندز طبعا

10- كلهم بابا بحبهم أكتر وحدة بين إخوانها ....وهي وبابا زي الصحاب وبابا بوخد رأيها بكل إشي .....

11- أكره إشي عليهم يشوفوك بتحضر مباراة ، بمعنى آخر أكتر إشي
بكرهوا كرة القدم ، إلا إذا المباراة فيها إيطاليا أو إنجلترا او البرتغال بتلاقيهم قعدوا عشان مالديني و بيكهام وكريستيانو رونالدو
بهاي معهم حق ، يعني بصراحة مالديني منظر و حسونة الشيخ ولّا ياسر القحطاني منظر

12- مريحين بالهم و تنحصر اهتماماتهم في المواضيع التالية : روجيم: لازم أنزل كمان خمسين كيلو ، حومرة وبودرة: - نزلوا حومرة جديدة بطعم الكيوي ،أووولتك أسشور شعري ولا أعمله كيرلي/ الأكل: - ماما طبخت جاجة محشية تفاح
و ما بتغدوا غير ستيك مشوي ،و ما بشربوا غير مي/
الفن: - ما أزكاه brad pitt/رايان شعره بجنن/ شفتي أصالة ما
أزنخها/ مش ألتلك انه بشار بحب سلمى/شفتي صندل نانسي/أحمد الشريف أحلى واحد بالعالم!/لون بشرة اليسا واااااااو/حضرتي كليب جاد شويري ما أفيعوا؟ مو معئولة هالشاكيرا!!! ونسيو كم شهيد راح امبارح وأولّه

13- كلهم ما بدخنوا ...بس بابا سمحلهم يأرجلوا ويعسّلو عااااااااااادي .......

14- عندهم حالة تشابه غريبة (سبحان الله بالصدفة طبعا, مش غيرة يعني) : إذا واحدة عملت تاتو تاني يوم كل البنات تاتو، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر_...

15- مواصفات حبيب القلب:
فايع و شعره طويل وبنطلونه ساحل ,معه سيارة بي ام ,موبايله آخر موديل,يعزمها كل يوم ع كوفي شوب,وإذا بشبه توم كروز بكون ممتاز

16-بتكون أطفش من حكيها ما في..وكلو قال و غاد و انداري و بديش وقرفانة...بالجامعة بتقلب آآل و هوناك و مو عارفة و ..Thank u‎ و
كتييير زهئانة
17- دايماً شنتتهم مليانة أشياء زاكية ، إذا جعت بتلاقي معاهم المول كلللللللله
بالشنتة...شبس ،شوكلاتة ،بسكوت, دروبس ،علكة, سوس.

[/size]