سنافر وسنفورات تعو نعلمكم شوي من مصطلحات الجامعة

تحية لكل سنفور وسنفورة ,.
وهلا والله وحيا الله فيكم ,.
في كتير مصطلحات رح تمر عليكم وتدخل عالمكم الجديد
( طبعا عالم الجامعة مش عالم ديزني )
طبعا مش رح نحكي عن مصطلحات السنافر الي بتعرفوها
( زعرور سنفري و قرية السنافر و شرشبيل وهرهور )
ركزو معي منيح ,.


اولا مصطلحات رح تمر عليكم

(1):

كويز : Quiz : يعني امتحان مفاجئ

(2):
T-square : معناها مسطرة بشكل حرف T
بستخدموها الطلاب في الرسم وبتدل على انك سنفور هندسة
تجنب تحملها بكل مكان



:

نجي لـَ سمات السنفور :

* بيجي بكير على الجامعة ، وبيوقف في موقف الباص بانتظام ومرتب
*بحمل شنتة على ضهره وفيها براية ومحاية وجايب الساندويشة معاه
* بحضر كل المحاضرات بانتظام .. منتبه .. ما بسرح ..واذا سأله الدكتور بوقف قبل ما يجااوب .
*منلاقيه دايما بسأل وين المبنى الفلاني ووين القاعه العلانية
* بكون خايف ومرتبك عند الامتحان .. واعصابه مشدوده .. للدرجة لو في طاسة رعبة لازم نشربو منها .
* لما اتلاقيه مسكرة معاه بالامتحان عرقه بينزل حتى يبل الورقه وبتشوفه خشوع بيدعي ربنا ينجح ولو عالحفة وياخد 60 او 50 حسب علامة النجاح
*مرعوب رعب من الغش ,. بخاف تنحلطو اشارة حمرا ...

:
:

هلا نجي لـ َالمصطلحات الي لازم تحكيهاا وتصححها :
مصطلحات المدرسة لازم تغيرها لـ مصطلحات الجامعه :

الصف==> القاعة
المقصف ==> اسمه كفتيريا او بوك شوب - كانتين
استاذ - مس - أبلة ==> دكتور
مدير المدرسة ==> عميد الكلية
الشرطة ==> الأمن
رسب في المادة ==> حمل المادة أو نتعها وفيش امتحان اكمال ع الفصل الجديد بتعيدها من اول وجديد ,.
الفرصة ==> فيش فرصة ,. في وقت اسمو فراغ حسب جدول محاضرتك ,.
امتحان الشهرين => امتحان second
امتحان آخر السنة ==> امتحان final
الواجب ==> بحث أو HOME WORK

:
:
وهيكم بتكونو سنافير وسنفورات متطورين ,.
بس مناش تصيرو شرشبيل ,. ضلو أمورين
أي سؤال أو اضافة هينا كلنا موجود اسالو ,.

مع تحياات عمو تيمووووور

الله يعطيك الف عافية ياتيمور
موضوعك حلو بتمنى كل سنفور ينتفع في

واي خدمة او اي استفسار لطلاب وسنافير جامة خضوري

اسئلو عن شلة المنحرفين نحنا بالخدمة دئما

تحياتي بحر

اكيد
...شو بحر بدك تحرف السنافر من اول فصل